სიახლეები

სიახლეები

„ფასს სტანდარტები, მსს ფასს სტანდარტი და მმართველობის ანგარიშგება - მნიშვნელოვანი სიახლეები“ - სამსახური და ფასს ფონდი ღონისძიებას გამართავენ

22.11.2022

1 დეკემბერს, 14:00 საათზე, საქართველოს ფინანსთა სამინისტროს ბუღალტრული აღრიცხვის, ანგარიშგებისა და აუდიტის ზედამხედველობის სამსახური და ფინანსური ანგარიშგების საერთაშორისო სტანდარტების ფონდი (IFRS Foundation), რიგით მეექვსე ღონისძიებას გამართავენ, თემაზე: „ფასს სტანდარტები, მსს ფასს სტანდარტი და მმართველობის ანგარიშგება - მნიშვნელოვანი სიახლეები”. 

ღონისძიება ევროკავშირისა და მსოფლიო ბანკის ერთობლივი ფინანსური ჩართულობისა და ანგარიშვალდებულების პროექტის მხარდაჭერით ჩატარდება. 

ღონისძიებაზე აუდიტორია პირადად IASB-ისა და ფასს ფონდის წარმომადგენლებისგან გაეცნობა სფეროსთან დაკავშირებულ მნიშვნელოვან სიახლეებს. შეხვედრას ბერტრან პერინი (ბუღალტრული აღრიცხვის საერთაშორისო სტანდარტების საბჭოს (IASB) წევრი) და ჯონათან ლაბრი (ფასს ფონდის კავშირებისა და ინტეგრირებული ანგარიშების მიმართულებების დირექტორი) წარუძღვებიან და მიმოიხილავენ როგორც ფასს სტანდარტებსა და მსს ფასს სტანდარტში, ასევე მმართველობისა და ინტეგრირებული ანგარიშგების სფეროებში დაგეგმილ ცვლილებებს. 

აღნიშნულ ღონისძიებას, სამსახური და ფასს ფონდი, მსოფლიო ბანკის მხარდაჭერით უკვე მეექვსე წელია ატარებენ, რათა ხელი შეუწყონ საწარმოთა დროულ და უფრო სიღრმისეულ ინფორმირებას დაგეგმილ სიახლეებთან დაკავშირებით, რაც დადებითად აისახება ანგარიშგების ხარისხზე. სამსახური შეეცდება, აღნიშნული ღონისძიება, ტრადიციულად, მომავალ წლებშიც გაიმართოს და დამსწრეები არა მხოლოდ სფეროს მნიშვნელოვან სიახლეებს გაეცნონ, არამედ ჰქონდეთ შესაძლებლობა, რომ IASB-ისა და ფასს ფონდის წარმომადგენლებს პირადად დაუსვან კითხვები და კომპეტენტური პასუხები მიიღონ. 


ღონისძიება იმ საწარმოებისთვის არის განკუთვნილი, რომლებიც ანგარიშგების მომზადებისას ფასს სტანდარტებს და მსს ფასს სტანდარტს იყენებენ. ღონისძიებაზე დასწრება აღნიშნული საწარმოების მომსახურე აუდიტორებისთვისაც მნიშვნელოვანია. 

 

გთხოვთ გაეცნოთ დღის წესრიგს.


ღონისძიება Zoom-ის მეშვეობით გაიმართება. დასასწრები ბმული: 

 
Meeting ID: 944 1571 5282
Passcode: R#VL4.yBih




*ღონისძიება ინგლისურ ენაზე გაიმართება, სინქრონული ქართული თარგმანით.



დასწრება თავისუფალია!